Poppstjörnur afklæðast

Tón­list­ar­mynd­bönd popp­stjarna í dag verða sí­fellt djarf­ari og kyn­lífsvædd­ari. Popp­stjörn­ur á borð við Miley Cyr­us, Ri­hanna, Beyoncé og fleiri eru oft­ar en ekki afar fá­klædd­ar og ögr­andi í sín­um mynd­bönd­um. Í mörg­um til­fell­um eru þau naum­ast við hæfi barna og ung­linga sem eru þó gjarn­an aðaláhorf­end­ur og aðdá­end­ur um­ræddra stjarna.

Rann­sókn­ir hafa sýnt fram á að börn og ung­ling­ar verða fyr­ir áhrif­um af því að sjá mikið af kyn­lífi og kyn­líf­stengdu efni ung að aldri, og þá er litið til klám­væðing­ar, ekki kláms. Ung­ling­ar sem horfa á mikið af kyn­líf­stengdu efni eru jafn­framt lík­legri til að byrja fyrr að stunda kyn­líf.

Arn­ar Eggert Thorodd­sen tón­list­ar­spek­úl­ant seg­ir klám­væðingu tón­list­ar­mynd­banda vara­sama. „Eins og það er nú hallæris­legt og oft hlegið að því þá verður það sem er verið að gefa í skyn í þess­um mynd­böndum æ grófara. Það er líka orðið svo teikni­mynda­legt og óraun­veru­legt,“ seg­ir hann. „En þegar það er rætt um þetta koma alltaf sömu viðbrögð um að þetta sé viðkvæmni og eintómir femínist­ar að tjá sig en ég er bara svo ótrúlega ósam­mála því. Ég trúi því ein­læg­lega að það sé ákveðin ósann­girni og órétt­læti sem er byggt inn í þetta kerfi.“