„Hér virðist vera, þannig að vægilega sé tekið til orða, um að ræða geðþóttastjórnsýslu. Ákvarðanir sem ráðherra, sem nýtur trausts og stuðnings á þessu þingi eða gerði það, tekur án þess að hafa ástæðu til, án þess að geta varið.“

Þetta sagði Mörður Árnason, varaþingmaður Samfylkingarinnar, á Alþingi í dag um þá ákvörðun Sigurðar Inga Jóhannssonar, sjávarútvegs- og landbúnaðarráðherra, fyrr á þessu ári að fresta réttaráhrifum ákvörðunar Heilbrigðiseftirlits Vesturlands að banna sölu á hvalabjór á meðan málið væri til meðferðar í stjórnsýslunni.

Mörður fullyrti að Sigurður Ingi hefði enga ástæðu haft til þess að rifta ákvörðun Heilbrigðiseftirlitsins og vitnaði í því sambandi í umsagnir stofnunarinnar og Matvælastofnunar um ákvörðun ráðherrans.

„Ég fer fram á það að þingmenn í stjórnskipunar- og eftirlitsnefnd taki þetta mál upp þegar úrskurðurinn hefur fallið sem ég efast ekki um hvernig verður því að engin rök standa til annars en að hann verði ráðherranum í óhag.“

Tengdar fréttir

Hvalbjór

„Ég hef aldrei smakkað pung áður“

• Eistun á stærð við körfubolta
• Blæs á gagnrýnisraddir um hvalbjór
• Hvalshreðjabjórinn vekur reiði
• Bannið staðfest en bjórinn öruggur

» Fleiri tengdar fréttir

• 4 blogg um fréttina

Bloggað um fréttina

• Jóhann Elíasson: "SKÍTLEGT EÐLI" ÞINGMANNSINS..................
• Heimir Lárusson Fjeldsted: Ekki burðug
• Júlíus Már Baldursson: Geðþóttaákvörðun ráðherra?
• Benedikt V. Warén: Ef þetta eru stóru málin á Alþingi....