Innlent | Morgunblaðið | 14.2.2014 | 5:30 | Uppfært 5:55

Reykjavíkurborg ætlar að rækta æðarfugla

Fuglafriðlandið er nú umlukið síki sem hindrar m.a. aðgang katta. Landið hefur verið lækkað til að breyta grunnvatnsstöðu fuglunum til hagsbóta. Kríuvarp hefur aukist og endur komið upp ungum í skjóli kríanna. mbl.is/Ómar Óskarsson

Reykjavíkurborg er að undirbúa ræktun æðarunga í vor til að lífga upp á fuglalíf Tjarnarinnar og Vatnsmýrar. Eggjunum verður ungað út í Húsdýragarðinum.

Í umfjöllun um mál þetta í Morgunblaðinu í dag segir Þórólfur Jónsson garðyrkjustjóri, að þegar ungarnir verða orðnir stálpaðir verði þeir líklega fluttir í fuglafriðlandið í Vatnsmýri.

Viðvarandi viðkomubrestur og hnignun varpstofna einkennir fuglalífið við Tjörnina, að því er segir í nýrri skýrslu fuglafræðinganna Jóhanns Óla Hilmarssonar og Ólafs K. Nielsen um fuglalíf á Tjörninni 2013.