Skýrsla sem unnin hefur verið fyrir ríkisstjórnina um umsóknina um inngöngu Íslands í Evrópusambandsins og þróunina innan Evrópusambandsins verður lögð fram á Alþingi á morgun og um leið gerð aðgengileg á netinu. Utanríkisráðherra, Gunnar Bragi Sveinsson, mun síðan kynna hana fyrir þingmönnum á þingfundi á miðvikudaginn.

Þetta staðfestir Margrét Gísladóttir, aðstoðarmaður utanríkisráðherra, í samtali við mbl.is. Samið var við Hagfræðistofnun Háskóla Íslands um gerð skýrslunnar í lok október síðastliðins og hófst vinnan við hana í kjölfarið. Gert var ráð fyrir að Hagfræðistofnun skilaði skýrslunni af sér um miðjan síðasta mánuð.

Kveðið er á um gerð skýrslunnar í stjórnarsáttmála Framsóknarflokksins og Sjálfstæðisflokksins. Forystumenn ríkisstjórnarinnar hafa sagt að í kjölfar skýrslunnar verði tekin endanleg ákvörðun um það hvernig verði haldið á málum varðandi umsóknina um inngöngu í Evrópusambandið en hlé var gert á umsóknarferlinu í kjölfar myndunar ríkisstjórnarinnar í maí síðastliðnum.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• Heimssýn: Svona verður skýrslan um ESB
• Geir Ágústsson: Skýrslur í stað ákvarðana
• Páll Vilhjálmsson: Umsóknin afturkölluð - rökin sem rotuðu Viðskiptaþing