Geir Jón tók sæti á Alþingi

Geir Jón Þórisson, varaþingmaður Sjálfstæðisflokksins, tók sæti á Alþingi í dag í forföllum Ásmundar Friðrikssonar alþingismanns. Þetta tilkynnti Einar K. Guðfinnsson, forseti Alþingis, við upphaf þingfundar í dag. Geir hefur ekki áður tekið sæti á Alþingi og undirritaði hann því drengskaparheit að stjórnarskránni.

Geir er menntaður vélvirki frá Vélsmiðjunni Héðni hf., menntaður lögreglumaður frá Lögregluskóla ríkisins og menntaður í stjórnunarfræðum frá Háskóla Íslands. Hann starfaði í fjóra áratugi hjá lögreglunni, síðast sem yfirlögregluþjónn hjá Lögreglu höfuðborgarsvæðisins.

• 2 blogg um fréttina

Bloggað um fréttina

• Haraldur Haraldsson: Geir Jón tók sæti á Alþingi:Góður maður á réttum stað:lætur …
• Kristbjörn Árnason: Geir Jón er örugglega hinn vænsti maður