Sýður á fólki út af Hvalfjarðargöngum

„Það sýður á fólki sem notar göngin mikið þegar þessar hugmyndir koma upp, aftur og aftur,“ segir Eiríkur Þór Eiríksson á Akranesi.

Hann er einn þeirra sem standa að mótmælum við áframhaldandi gjaldtöku Spalar í Hvalfjarðargöngum.

Í umfjöllun um mál þetta í Morgunblaðinu í dag kemur fram, að 3.600 manns hafa „líkað“ við Facebook-síðu þar sem mótmælt er gjaldtöku eftir 2018 þegar skuldir vegna ganganna verða uppgreiddar.