Ranglega stofnað til umsóknarinnar
Setja bókamerki
Ranglega var stofnað til umsóknarinnar um inngöngu í Evrópusambandið og tímabært er að leiðrétta það. Þetta sagði Bjarni Benediktsson fjármálaráðherra í kvöldfréttum Stöðvar 2 í kvöld. Forsenda umsóknar væri stuðningur við inngöngu í sambandið hjá almenningi, ríkisstjórn og þingi.
Spurður hvort ekki hafi verið hægt að fara þá leið að hafa umsóknina áfram í hléi sagði Bjarni að það væri hreinlegra, heiðarlegra og raunsærra að draga hana til baka. Ríkisstjórn sem væri andvíg inngöngu í Evrópusambandið gæti ennfremur ekki haldið umsóknarferlinu áfram. Það væri ekki ávísun á traust samskipti að ráðherrar sem væru andvígir inngöngu ættu að vinna að innleiðingu löggjafar sambandsins samhliða viðræðum. Það hefði ekki gengið vel á síðasta kjörtímabili.
Spurður hvort Sjálfstæðisflokkurinn þyrfti ekki að hlusta á afstöðu atvinnulífsins til málsins sagði Bjarni að flokkurinn hlustaði meðal annars á það. Hins vegar tæki Sjálfstæðisflokkurinn ekki við skipunum þaðan.
„Höfum sloppið bærilega með skaða af þessu gosi“
Hentugt gos fyrst gýs á annað borð
Þarf að koma til móts við ólíkar þarfir lækna
Vegirnir voru eins og borðstofuborð
Reiðubúin að aflýsa verkföllum í fjórum leikskólum
Hulda saksóknari: „Tökum þetta ekki til greina“
Vika í kosningar: Þetta segja kannanir