Félag sjálfstæðismanna í Vestur- og Miðbæ hefur sent frá sér ályktun þar sem fagnað er þeim áformum ríkisstjórnarinnar að draga umsókn Íslands um inngöngu í Evrópusambandið til baka.

„Félag sjálfstæðismanna í Vestur- og Miðbæ fagnar því að umsókn Íslands í ESB verði dregin til baka. Samfylking og VG hófu aðlögunarferli landsins að ESB án undangenginnar þjóðaratkvæðagreiðslu og í andstöðu við stóran hluta þjóðar. Vekur því furðu krafa þeirra um að þjóðaratkvæðagreiðsla skuli fara fram nú,“ segir í tilkynningu frá félaginu.

Ennfremur segir að Félag sjálfstæðismanna í Vestur- og Miðbæ telji hagsmuni Íslands fólgna í því að fríverslunarsamningar landsins séu ekki einskorðaðir við afmarkað svæði heldur séu gerðir sem víðast um heim. „Hagvænlegt gæti verið að skoða möguleika þess að hefja svæðisbundið viðskiptasamband við lönd á norðurslóðum svo sem Kanada, Grænland, Færeyjar og Noreg.“

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞEGAR RYKIÐ EFTIR MOLDVIÐRI SÍÐUSTU DAGA SEST EYKST STUÐNINGURINN VIÐ …