Mótmæli standa yfir á Austurvelli annan daginn í röð. Eins og í gær er þeirri fyrirætlan stjórnvalda mótmælt að ætla sér að draga aðildarumsókn Íslands að Evrópusambandinu til baka án þess að leggja það í dóm þjóðarinnar í þjóðaratkvæðagreiðslu. Töluvert færri mótmælendur eru í dag en í gær.

Meðan á mótmælum stendur fyrir utan Alþingishúsið er þingfundur í fullum gangi innan dyra. Sem stendur er rætt um skýrslu Hagfræðistofnunnar Háskóla Íslands um stöðuna í aðildarviðræðum Íslands að Evrópusambandinu. Þrettán þingmenn eru enn á mælendaskrá og verður að teljast ólíklegt að umræðan klárist í kvöld, enda farið upp í andsvör við hverja einustu ræðu.

Auk þess á forsætisnefnd Alþingis eftir að funda um á ný í kvöld um þingsályktunartilögu Gunnars Braga Sveinssonar utanríkisráðherra og verður eflaust karpað um fundarstjórn forseta eftir að þeim fundi lýkur.

Hér má sjá beina útsendingu frá Alþingi

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Aðeins 26,2% þjóðarinnar vill ESB-aðild