Möguleikar Íslands á að ganga í Evrópusambandið í framtíðinni skaðast ekki þó umsóknin um inngöngu í sambandið verði dregin til baka. Þetta er mat Daniels Gros, framkvæmdastjóra hugveitunnar Centre for European Policy Studies, en rætt var við hann í kvöldfréttum Ríkisútvarpsins.

Haft er eftir honum að það hafi ekki komið sér á óvart að ríkisstjórnarflokkarnir hafi ákveðið að draga umsóknina til baka. Hann hafi frekar verið hissa þegar umsóknin kom fram á sínum tíma í ljósi þess að stuðningur almennings hafi ekki verið mjög mikill. „Við höfum séð hvað gerðist í Noregi. Þar sótti ríkisstjórnin um aðild og lagði kapp á að hún yrði samþykkt en meirihluti kjósenda hafnaði henni. Það er best að koma í veg fyrir að slík staða komi upp.“

Gros telur ekki sjálfgefið að nýrri umsókn yrði tekið með tortryggni þó hún yrði háð samþykki allra ríkja Evrópusambandsins. Ef stjórnvöld á Íslandi kæmust á þá skoðun að rétt væri að ganga í sambandið þætti því vafalaust fengur að því að fá landið í sínar raðir. Ísland væri ríkt land, því væri vel stjórnað og Evrópusambandið ætti því að fagna nýrri umsókn kæmi hún einhvern tímann.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• G. Tómas Gunnarsson: Hárrétt mat
• P.Valdimar Guðjónsson: Hver bjó til íslensku útgáfuna?
• Heimssýn: Evrusérfræðingur nr. 1 hissa á Samfylkingunni