Þingmenn fá rúmlega sjö tíma hlé til þess að undirbúa sig og hvíla á milli þingfunda í dag en þingfundi var slitið klukkan 3:10 í nótt. Þingfundur hefst á ný klukkan 10:30. Þar verða málefni ESB enn á ný til umræðu en líkt og undanfarna daga verður rætt um skýrslu sem Hagfræðistofnun vann fyrir utanríkisráðherra, Gunnar Braga Sveinsson, um aðildarviðræðurnar við Evrópusambandið.

Þingfundur hefst á óundirbúnum fyrirspurnum og verða heilbrigðisráðherra, mennta- og menningarmálaráðherra, félags- og húsnæðismálaráðherra og innanríkisráðherra viðstaddir umræðuna.

Nefndarmenn í allsherjar- og menntamálanefnd og stjórnskipunar og eftirlitsnefnd þurfa hins vegar að taka daginn snemma því nefndarfundir hefjast klukkan 8:30 í dag. Eins er fundur í atvinnuveganefnd klukkan 9.

Tæplega 35 þúsund manns hafa skrifað undir áskorun um að þjóðin fái að kjósa í þjóðaratkvæðagreiðslu um hvort slíta eigi viðræðunum um aðild. Boðað hefur verið til fjórða mótmælafundarins á Austurvelli klukkan 17 í dag.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• Páll Vilhjálmsson: Füle við Össur: engar varanlegar undanþágur
• Guðmundur Jónsson: Skortur á lesskilningi, leti eða bara heimska ?
• Wilhelm Emilsson: Að hlusta á íslenska kjósendur