Vildi drepa Svein Andra með hamri

Hildur Lilliendahl sagðist vilja drepa Svein Andra Sveinsson hæstaréttarlögmann með hamri undir dulnefni á umræðusvæði bland.is árið 2010.

Í færslunni segir hún undir dulnefninu NöttZ: „Mig langar svo ofboðslega að drepa þennan mann með hamri að það er vandræðalegt.“

Þá spyr annar notandi: „Hvernig hamri?“ og Hildur svarar: „Ég hafði hamarinn hans Atla Helgasonar í huga. Aðallega af því að hann hefur þegar sannað sig.“ Þar vísar hún í morð Atla Helgasonar á viðskiptafélaga sínum Einari Erni Birgissyni en hann banaði honum með fjórum hamarshöggum í höfuðið.

Hildur komst í fréttirnar í gær þegar tónlistarkonan Hafdís Huld sagði frá því að hún hefði orðið fyrir netofbeldi af hálfu Hildar, sem skrifaði undir fyrrnefndu dulnefni á bland.is.

Frétt mbl.is: Hildur Lilliendahl beitti netofbeldi

Frétt mbl.is: „Og lætur kallinn taka skellinn“

Frétt mbl.is: Fullur kærasti á netinu

Frétt Smartlands: Hildur Lilliendahl setti út á holdafar Svanhildar