Ekki hægt að moka á Mývatnsöræfum

Það er snjóþekja á Hellisheiði og í Þrengslum, og eins á Mosfellsheiði og Suðurstrandarvegi en snjóþekja eða nokkur hálka er allvíða á Suðurlandi. Hálkublettir eru á Reykjanesbraut og Suðurnesjum.

Snjóþekja, hálka eða hálkublettir eru allvíða á Vesturlandi og Vestfjörðum.

Vegir í Húnavatnssýslum eru að heita má auðir en hálka er á Þverárfjalli og éljagangur á Vatnsskarði. Það er snjóþekja og ofankoma á Öxnadalsheiði og víða þaðan allt austur á Mývatn. 

Slæmt veður er á Mývatns- og Möðrudalsöræfum og mokstur í biðstöðu. Fjarðarheiði er þungfær en snjóþekja er á Fagradal og Oddsskarði.

Vegir á Suðausturlandi eru greiðfærir.

• 1 blogg um fréttina

Bloggað um fréttina

• Ómar Ragnarsson: "Í þá gömlu góðu daga..." aftur?