Fyrri umræða um þingsályktun Gunnars Braga Sveinssonar utanríkisráðherra um að draga umsóknina um inngöngu Íslands í Evrópusambandsins til baka, stendur yfir á Alþingi og er talsverður fjöldi þingmanna á mælendaskrá. Óvíst er hversu lengi þingfundur kann að standa í dag en í gær var fundað til klukkan 20.00.

Þingfundur hófst í dag klukkan 13.30 og umræðan um þingsályktunartillögu utanríkisráðherra um hálftíma síðar. Umræðan hefur staðið yfir síðan ef undan er skilið hlé sem var gert á þingfundi á milli klukkan 15.00 og 16.00. Fjöldi annarra mála er á dagskrá þingsins í dag og ólíklegt að nokkur þeirra komi til umræðu. Þar á meðal tvær þingsályktanir frá stjórnarandstöðuflokkunum um að þjóðaratkvæðagreiðsla fari fram um framhald umsóknarferlisins að Evrópusambandinu. Samkomulag er um að þær fari umræðulaust til utanríkismálanefndar Alþingis ásamt tillögu utanríkisráðherra.

Umræður á Alþingi í dag hafa að mestu verið á efnislegum forsendum þar sem þingmenn hafa meðal annars tekist á um það hvort ástæða sé til þess að halda umsóknarferlinu áfram, um framtíðarþróun Evrópusambandsins og peningamál. Til þessa hefur umræðan um þingsályktunartillögu utanríkisráðherra fremur snúist um málsmeðferðina en efnislega um tillöguna.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Bindandi ÞjóðaratkvæðaGreiðslu