Nýlenduhugsun ríkjandi

„Við Eyjamenn erum hæstu skattgreiðendur á landinu öllu. Samt er þjónusta ríkisins hér ekki svipur hjá þeirri sjón sem við teljum okkur þurfa á að halda. Þegar verst lætur ríkir einskonar nýlenduhugsun gagnvart okkur og öðrum sjávarbyggðum. Sem sagt að það eigi að reka þessi svæði með lágmarkskostnaði og ná af þeim hámarksarði.“

Þetta segir Elliði Vignisson í viðtali í sunnudagsblaði Morgunblaðsins. „Staðan núna er sú að hér í Eyjum fæðast ekki lengur börn af því að heilbrigðisþjónusta er orðin svo takmörkuð og sjúklingar þurfa í auknum mæli að liggja á sjúkrahúsum á höfuðborgarsvæðinu og þá jafnvel banaleguna. Í kaldhæðni höfum við stundum sagt að við gerum eingöngu kröfu um að fá þjónustu til að fæðast og deyja í Vestmannaeyjum en getum vel séð um okkur sjálf þess á milli.“

Fiskveiðistjórnun og skattheimta eru einnig til umræðu í viðtalinu og Elliði segir á að á seinasta ári hafi farið hátt í 1.500 milljónir frá Eyjum í slíka skatta.