Landeigendafélagi Geysis þykir miður að ferðaþjónustuaðilar, sem eru ósáttir við gjaldtöku af ferðamönnum við Geysisvæðið, láti það bitna á óskildum aðila sem enga aðkomu hafði að ákvörðun um gjaldtökuna.

Þetta kemur fram í yfirlýsingu frá Landeigendafélaginu.
 
„Nokkuð hefur borið á því að aðilar innan ferðaþjónustunnar hafi hvatt viðskiptavini sína til þess að sniðganga verslun við Geysissvæðið og þeir jafnvel breytt áætunum sínum til að koma í veg fyrir viðskipti við verslunina,“ segir í yfirlýsingunni.

„Fyrirtækið Geysir Shops ehf. á og rekur verslunina við Geysi ásamt verslunum í Reykjavík og á Akureyri. Um er að ræða sjálfstætt einkahlutafélag án nokkurra tengsla við Landeigendafélag Geysis.  Verslunin hefur nú, vegna þrýstings þessara ferðaþjónustuaðila, hætt sölu aðgöngumiða inn á Geysissvæðið. Það er von landeigenda að ferðaþjónustufyrirtækin endurskoði nú afstöðu sína gagnvart versluninni.
 
Gjaldtaka við Geysi hefur í heildina gengið vel og landeigendafélagið hefur þegar samið um viðskipti við rútufyrirtæki og aðra aðila innan ferðaþjónustunnar.“

Tengdar fréttir

Ferðamenn á Íslandi

Farþegum fjölgaði um 12%

• Eyfellingar mótmæla áformum um hótel
• Stórfelld uppbygging áformuð við Holtsós
• Ferðamaður sem slasaðist þakkaði fyrir sig
• Stórkostlegt bónorð í Mýrdalsjökli

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Almenn skattlagning á ferðaþjónustuna