„Við fórum yfir þetta lið fyrir lið og þeir eru ekki tilbúnir að koma til móts við okkur í einum einasta þeirra, þrátt fyrir að þeir séu búnir að borga öðrum starfsmönnum sínum sömu laun.“

Þetta segir Jónas Garðarsson, framkvæmdastjóri Sjómannafélags Íslands, í Morgunblaðinu í dag um árangur af viðræðunum í gær vegna verkfalls undirmanna á Herjólfi.

Viðræðurnar fóru fram hjá ríkissáttasemjara en viðsemjandinn eru Samtök atvinnulífsins fyrir hönd Eimskips. Næsti fundur hefur verið boðaður á mánudaginn kemur.

Verkfall háseta og þerna á Herjólfi hófst 5. mars og hefur ferjan aðeins siglt eina ferð á dag virka daga en ferðir um helgar hafa fallið niður. Frá og með deginum í dag falla siglingar niður á föstudögum.

Tengdar fréttir

Herjólfsdeilan

Herjólfur lagður af stað frá Póllandi

• Örfáir ánægðir með ástandið
• Skrifa undir innan fárra daga
• Samkomulag liggur fyrir
• Hefði átt að nýta tímann betur

» Fleiri tengdar fréttir