Vinningur kom fæðingu af stað

„Hvað ertu að segja? Vann ég?“ sagði vinningshafi í lottóinu frá síðasta laugardgskvöldi þegar fulltrúi frá Íslenskri getspá hringdi og færði honum fréttirnar. Í þetta skiptið var vinningshafinn barnshafandi ung kona utan af landi sem átti miða í áskrift og áætlaður fæðingardagur barnsins var rúmri viku eftir símtalið skemmtilega.

Það kom svo í ljós að sama dag og hringt var í hana, þá fór fæðingin af stað og barn var komið í heiminn daginn eftir. Hún hefur því í nógu að snúast þessi lukkulega kona sem er í skýjunum með lífið og sagðist ætla að byrja á því að kaupa sér flottasta barnavagninn, segir í fréttatilkynningu frá Íslenskri getspá.

Það má því segja að þetta hafi verið einn allsherjar lukkudagur hjá henni, heilbrigt barn og 6,5 milljónir í bónus.

• 1 blogg um fréttina

Bloggað um fréttina

• Ólafur Ragnarsson: "Svona fréttir gleðja "