Flóð myndi geysast niður

Reiknað er með stórum og mjög hraðskreiðum jökulhlaupum ef til þess kemur að Öræfajökull gýs. Vegna hæðar og bratta eldfjallsins yrði vöxtur flóðanna mjög hraður.

Sérfræðingar Veðurstofunnar hafa reiknað yfir 20 mismunandi sviðsmyndir fyrir flóð niður suður- og vesturhlíðar Öræfajökuls í kjölfar hugsanlegs eldgoss, að því er fram kemur í fréttaskýringu í Morgunblaðinu í dag.

Mögulegt hættusvæði vegna flóða er allt að 350 km2 en hvert flóð myndi ekki þekja það allt, að sögn Emmanuels Pagneux, verkefnisstjóra forgreiningar á áhættu vegna flóða samfara eldgosum hjá Veðurstofunni.