Þreifingar hafa verið á milli flokka á Alþingi um að greiða setningu laga vegna verkfalls undirmanna á Herjólfi leið í gegnum þingið, samkvæmt heimildum Morgunblaðsins.

Hugmyndin mun vera sú að fresta verkfallsaðgerðum tímabundið með lögum. Verkfallið hófst 5. mars s.l. og hefur hvorki gengið né rekið að ná samkomulagi. Nýr fundur hafði ekki verið boðaður í deilunni þegar rætt var við Ólaf William Hand, upplýsingafulltrúa Eimskips, í gærkvöld. Síðast hittust deiluaðilar á föstudag.

„Því miður hreyfist ekki neitt,“ sagði Ólafur. „Við erum orðnir mjög vonlitlir og sjáum ekki hvernig hægt verður að leysa deiluna.“ Verkfallið hefur valdið Vestmannaeyingum og fyrirtækjum þeirra margvíslegum vanda og tekjutapi, segir í Morgunblaðinu í dag.

Tengdar fréttir

Herjólfsdeilan

Herjólfur lagður af stað frá Póllandi

• Örfáir ánægðir með ástandið
• Skrifa undir innan fárra daga
• Samkomulag liggur fyrir
• Hefði átt að nýta tímann betur

» Fleiri tengdar fréttir