Samninganefnd Félags framhaldsskólakennara og Félags stjórnenda í framhaldsskólum var kölluð saman til fundar í húsnæði Ríkissáttasemjara klukkan tólf í dag. Þar var farið yfir stöðuna í samningamálum en eins og kunnugt er hefur verkfall framhaldsskólakennara nú staðið í átján daga. Samningagerðin er langt á veg komin en eftir er að ganga frá nokkrum málum.

Þetta kemur fram í tilkynningu frá Kennarasambandi Íslands.

Viðræðunefndin, sem setið hefur í karphúsinu síðustu vikur, telur engu að síður að samningagerðin sé svo langt komin að rétt sé að kynna stöðuna í stærri hópi. Trúnaðarmenn og formenn svæðafélaga FF og FS hafa því verið boðaðir á fund klukkan eitt á morgun. Þar sem viðræður eru nú á viðkvæmu stigi er því miður ekki hægt að veita frekari upplýsingar um stöðuna fyrr en að þeim fundi loknum.

Tengdar fréttir

Kjaradeila kennara

Samningurinn ekki nógu góður

• Eingreiðsla og vinnumat fellt út
• Grunnskólakennarar undirrita kjarasamning
• Fáir kennarar stóðu við uppsagnir
• Starfið þurfi að vera samkeppnishæft

» Fleiri tengdar fréttir

• 1 blogg um fréttina

Bloggað um fréttina

• Heimir Hilmarsson: Skaðabótaábyrgð nauðsynleg