Gunnar Bragi í Washington

Gunnar Bragi Sveinsson utanríkisráðherra er staddur í Washington þar sem hann situr fund þróunarnefndar Alþjóðabankans og Alþjóðagjaldeyrissjóðsins. Nefndin er sameiginleg ráðherranefnd stofnananna tveggja og sinnir stefnumörkun í alþjóðlegri þróunarsamvinnu.

Utanríkisráðherra situr í nefndinni í ár fyrir hönd Norðurlandanna og Eystrasaltsríkjanna. Í nefndinni eiga sæti 25 ráðherrar sem eru í forsvari fyrir hátt á annað hundrað aðildarríkja bankans, að því er fram kemur í tilkynningu á vef utanríkisráðuneytisins.

Auk þessa mun Gunnar Bragi eiga fundi með aðstoðarutanríkisráðherra Bandaríkjanna, Victoriu Nuland og aðstoðarvarnarmálaráðherranum, Christine Fox, öldungardeildarþingmönnum, háttsettum embættismönnum Alþjóðabankans og fulltrúum frjálsra félagasamtaka.

• 1 blogg um fréttina

Bloggað um fréttina

• Óðinn Þórisson: FyrirGef Gunnari Braga