Páskahretið verður á sínum stað

Lands­menn þurfa ekki að hafa áhyggj­ur af því að páska­hretið verði ekki á sín­um stað í ár. Spá­in er væg­ast sagt óspenn­andi næstu daga, þó verður held­ur hlýrra fyr­ir sunn­an en norðan. Færð gæti spillst á Norður­landi síðar í dag en veðrið verður slæmt þar þegar líða tek­ur á dag­inn.

Helga Ívars­dótt­ir, veður­fræðing­ur á Veður­stofu Íslands, seg­ir að aust­an hvassviðri sé nú á land­inu með rign­ingu fyr­ir sunn­an en slyddu eða snjó­komu fyr­ir norðan. Það dreg­ur úr vind­um á Suður- og Vest­ur­landi upp úr há­degi en það held­ur áfram að rigna og dreg­ur ekki úr úr­kom­unni fyrr en seint í kvöld.

 Á morg­un verður búið að snú­ast í held­ur hæg­ari norðanátt eða 8-15 metra á sek­úndu. Núna er 13-20 metr­ar á sek­úndu á land­inu. Með norðanátt­inni fylg­ir úr­koma og mega höfuðborg­ar­bú­ar eiga von á élj­um síðdeg­is á morg­un. Að sögn Helgu mun snjór ekki setj­ast enda hiti fyr­ir ofan frost­mark. „Þetta verða slydduél,“ seg­ir Helga í sam­tali við mbl.is.

Fljót­lega eft­ir há­degi fer élja­gang­ur­inn á Hell­is­heiði að breyt­ast í rign­ingu en fyr­ir norðan mun snjóa í dag og vænt­an­lega skafrenn­ing­ur á ein­hverj­um stöðum.

Að sögn Helgu er ágæt­is spá fyr­ir sunnu­dag en á mánu­dag kem­ur næsta lægð yfir landið. Það verður þó ágætt að skella sér á skíði fyrri­hlut­ann á mánu­dag á Ak­ur­eyri þar sem það snýst í suðvestanátt. Síðdeg­is á mánu­dag fer hins veg­ar að rigna og jafn­vel snjóa. 

Næstu viku, fram á skír­dag er spáð suðvest­læg­um átt­um með rign­ingu, skúr­um og élj­um sunn­an og vest­an­lands. Úrkomum­inna fyr­ir norðan en þar verður mun kald­ara en fyr­ir sunn­an þar sem hiti get­ur farið upp í 5-7 stig.

Á skír­dag er lægð að kom­an suðvest­an úr hafi og hún byrj­ar með sunna­nátt en síðan lít­ur út fyr­ir að hún fari yfir í leiðinda norðanátt með kóln­andi veðri og snjó­komu á föstu­dag­inn langa. Það lít­ur því út fyr­ir að páska­hretið verði á sín­um stað í ár,“ að sögn Helgu Ívars­dótt­ur veður­fræðings.