Að mati forystumanna innan Alþýðusambands Íslands eru forsendur kjarasamninganna sem gerðir voru til eins árs í desember og febrúar sl. brostnar, skv. heimildum Morgunblaðsins.

Ástæðan er sú að í nýgerðum samningum ríkisins við framhaldsskólakennara og sveitarfélaganna við BHM-félög var samið um mun meiri launahækkanir en gengið var út frá í samningunum á almenna vinnumarkaðnum að mati ASÍ. Mikil óvissa sé því komin upp um viðræður um endurnýjun þeirra á næstu mánuðum.

Mat sem lagt hefur verið á kjarasamninga framhaldsskólakennara á vettvangi ASÍ leiðir í ljós að þeir fela í sér 15,99% launahækkun á tólf mánaða tímabili. Sú hækkun kemur öll til áður en ákveðið verður hvort breyta eigi vinnufyrirkomulagi kennara. Hér sé því um hreina launabreytingu að ræða, að því er fram kemur í fréttaskýringu um kjaramálin í Morgunblaðinu í dag.

Tengdar fréttir

Kjarasamningar SA og ASÍ

Verkalýðshreyfingin tilbúin ef aðrir verða það

• Vilja skoða sameiginleg samningsmarkmið
• Viðburðarík vika fram undan í deilunni
• Forseti ASÍ: Engin pressa frá Eflingu
• Vinir Kópavogs láta ekki deigan síga

» Fleiri tengdar fréttir

Kjaradeila kennara

Samningurinn ekki nógu góður

• Eingreiðsla og vinnumat fellt út
• Grunnskólakennarar undirrita kjarasamning
• Fáir kennarar stóðu við uppsagnir
• Starfið þurfi að vera samkeppnishæft

» Fleiri tengdar fréttir