Tekur vel í einhliða makrílkvótann
Setja bókamerki
Framkvæmdastjórn Evrópusambandsins segir ákvörðun íslenskra stjórnvalda um einhliða makrílkvóta á miðunum við Ísland jákvætt skref. Þetta segir í yfirlýsingu frá Helene Banner, talsmanni Mariu Damanaki sjávarútvegsstjóra sambandsins, sem birt er á vefsíðu framkvæmdastjórnarinnar í dag.
„Tilkynning Íslands um einhliða makrílkvóta er jákvætt skref. Hann kemur heim og saman við þá hlutdeild sem Íslendingar höfðu áður farið fram á í makrílviðræðum strandríkjanna. Það er að segja 11,9% af 1.240.000 tonnum. Evrópusambandið hefur frá upphafi sagt að Ísland geti orðið aðili að makrílsamningnum [á milli sambandsins, Noregs og Færeyja] og við gætum nú verið mjög nálægt því að ná samningi sem nær til allra strandríkjanna,“ er haft eftir Banner.
Evrópusambandið hvetji fyrir vikið Ísland til þess að koma að samningaborðinu ásamt sambandinu, Norðmönnum og Færeyingum við fyrsta tækifæri til þess að ná slíkum samningi.
Yfirlýsing framkvæmdastjórnar ESB
Hópur fólks reyndi að komast að eldgosinu
Sólveig Anna furðar sig á aðferðum kennara
Börn hafi engan rétt á leikskólakennslu
Fullvissa ferðamenn um að hér sé öruggt
Viðræður ekkert þokast frá því á þriðjudag
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028