80,7% landsmanna og 71,2% Reykvíkinga vilja flugvöllinn áfram í Vatnsmýrinni, samkvæmt skoðanakönnun sem MMR vann fyrir Hjartað í Vatnsmýrinni 14.-17. apríl sl. Alls tóku 1.060 manns þátt í könnuninni. Af þeim tóku 938 afstöðu, þar af 333 Reykvíkingar.

Allir stuðningsmenn Framsóknarflokksins í Reykjavík sögðust vilja flugvöllinn áfram í Vatnsmýrinni, 87,7% stuðningsmanna Sjálfstæðisflokksins, 71,6% stuðningsmanna Vinstri-grænna og 49,5% stuðningsmanna Pírata.

Athygli vekur að 57,5% kjósenda Samfylkingarinnar í borginni sögðust vilja völlinn áfram í Vatnsmýri í könnuninni nú, en þeir voru 44,9% í könnun MMR síðastliðið haust, og aðeins 44,5% kjósenda Bjartrar framtíðar sögðu já nú en 62,6% í haust.

Tengdar fréttir

Reykjavíkurflugvöllur

Leggur til þjóðaratkvæði um flugvöllinn

• Lögmæti og heilindi dregin í efa
• Ríkið og borgin skipta tekjum
• Borgin vill ekki hætta að spá í Hvassahraun
• Borgin hætti stuðningi við Hvassahraun

» Fleiri tengdar fréttir