Áætlað tap Icelandair Group vegna boðaðs verkfalls Félags íslenskra atvinnuflugmanna nemur um þrettán til fimmtán milljónum dollara eða um 1,5 til 1,7 millljarði króna, ef verkfallið varir allan þann tíma sem það hefur verið boðað. 

Þetta kemur fram í tilkynningu félagsins til Kauphallarinnar.

Í fjárhæðinni eru áætlaðar tapaðar tekjur að frádregnum sparnaði vegna niðurfelldra fluga auk beins áætlaðs kostnaðar vegna aðstoðar við farþega.

Í fjárhæðinni eru hvorki hugsanleg áhrif yfirvinnubanns né áhrif verkfallsins á bókanir og tekjur félagsins á þeim dögum sem verkfallið stendur ekki yfir, að því er segir í tilkynningunni.

Jafnframt er ekki tekið tillit til hugsanlegra langtímaáhrifa verkfallsins á Icelandair Group og Ísland almennt sem áfangastaðar fyrir ferðamenn.

Engin niðurstaða fékkst í kjaradeilu flugmanna og Icelandair á fundi hjá sáttasemjara í gær. Fundurinn hófst klukkan 13 og stóð í um þrjár klukkustundir. Nýr fundur hófst klukkan níu í morgun.

Um 300 flug­menn starfa hjá Icelanda­ir. Þeir hafa boðað til nokk­urra verk­stöðvana á næstu vik­um ná­ist ekki samn­ing­ar. Verk­stöðvan­irn­ar eru boðaðar 9., 16. og 20. maí, en þær munu standa í tólf klukku­tíma, frá klukk­an sex að morgni til klukk­an sex um kvöldið.

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• 1 blogg um fréttina

Bloggað um fréttina

• Sigmar Þór Sveinbjörnsson: Er ekki sterkur leikur fyrir Icelandair að semja