Hraunavinir bíða nú eftir niðurstöðu Hæstaréttar í kjölfar úrskurðar Héraðsdóms Reykjaness sem hafnaði í síðasta mánuði kröfu um að málinu á hendur þeim yrði vísað frá dómi, en níu Hraunavinir voru ákærðir fyrir að brjóta lögreglulög í október sl. er þeir mótmæltu vegaframkvæmdum í Garðahrauni. 

Alls voru níu Hraunavinir ákærðir í málinu. Einn þeirra fór fram á að málinu yrði vísað frá dómi og var málið flutt sem prófmál sem myndi hafa áhrif á niðurstöðu hinna átta. Einnig var farið fram á að saksóknarinn í málinu, Karl Ingi Vilbergsson, yrði látinn víkja sökum vanhæfis og að af honum yrði tekin vitnaskýrsla.

Munnlegur málflutningur fór fram í Héraðsdómi Reykjaness 24. mars og þann 7. apríl lá úrskurður héraðsdóms fyrir þar sem dómari hafnaði öllum kröfum Hraunavina. Úrskurðurinn var kærður til Hæstaréttar tveimur dögum síðar.

Í dag eru fjórar vikur liðnar frá því málið var kært og má búast við að dómur Hæstaréttar liggi fyrir fljótlega að sögn Skúla Bjarnasonar, lögmanns fjögurra Hraunavina, en hann flutti málið í héraði.

Níumenn­ing­un­um er öll­um gefið að sök að hafa brotið lög­reglu­lög, n.t.t. gerst brot­leg­ir við 19. grein lag­anna, sem snýst um skyldu til að hlýða fyr­ir­mæl­um lög­reglu. Hún er svohljóðandi: „Al­menn­ingi er skylt að hlýða fyr­ir­mæl­um sem lög­regl­an gef­ur, svo sem vegna um­ferðar­stjórn­ar eða til þess að halda uppi lög­um og reglu á al­manna­færi.“

Tengdar fréttir

Gálgahraun

„Þá er friðurinn úti“

• Skapað verði aðgengi að Ófeigskirkju
• Níumenningarnir fá ekki bætur
• Dómar Hraunavina skilorðsbundnir
• „Álfarnir sáttir á nýjum stað“

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Farsi og fáránleiki á köflum.
• Sigurður Haraldsson: Lög eru sett á staðnum.