Skjárinn ehf, sem meðal annars á og rekur sjónvarpsstöðina SkjáEinn, kærði ólögmæta afritun tiltekins einstaklings á þáttunum „Biggest Loser Ísland“ og dreifingu þeirra á slóðinni deildu.net. Búið er að yfirheyra einstaklinga sem tengjast málinu og telst það að mestu leyti upplýst.

Þættirnir hafa verið sóttir gríðarlega oft á deildu.net, en þar má finna mikið magn af höfundarvörðu efni. Að mati Skjásins er um skýrt brot á ákvæðum höfundalaga og ákvæðum almennra hegningarlaga. „Við teljum afar mikilvægt að bregðast hart við hvers kyns brotum á höfundaréttarvörðu efni okkar. Þættirnir eru dýrasta innlenda framleiðsla sem Skjárinn hefur látið ráðast í til þessa. Er hér því um veigamikla hagsmuni að ræða, sem varðir eru af eignarréttarákvæðum stjórnarskrár,“ segir Friðrik Friðriksson, framkvæmdastjóri Skjásins, í tilkynningu.

Friðrik segir að það þurfi að verða vitundavakning í þessum málaflokki. „Ég var alla vega alinn upp við það að ef maður vill ekki greiða fyrir hlutinn fær maður ekki að neyta hans.“

Tengdar fréttir

Biggest Loser Ísland

„Ég get varla lýst tilfinningunni“

• Biggest Loser keppandi lætur það vaða
• Biggest Loser-barnið fætt
• Dressaði sig upp fyrir 250.000
• Fór niður um 10 fatastærðir

» Fleiri tengdar fréttir

• Blogga um frétt