Samningafundi í kjaradeilu flugmanna Icelandair lauk nú síðdegis án árangurs og er næsti fundur ekki boðaður fyrr en á mánudag. Því er ljóst að flugmenn munu leggja niður störf í 12 tíma á morgun og verða 26 flugferðir felldar niður á meðan.

Verkfallið stendur frá kl. 06:00 í fyrramálið til kl. 18:00 annað kvöld. 4.500 farþegar eru bókaðir í þær 26 ferðir sem felldar verða niður. Flestir þeirra eru erlendir ferðamenn.

Icelandair Group áætlar að vari verkfall alla dagana sem það hefur verið boðað muni tapið nema um 1,5-1,7 milljörðum króna. Næsta verkfall er boðað í jafnlangan tíma 16. maí, þá 20. maí.

Í framhaldinu verður verkfall lengt, fyrst í tvo sólarhringa, frá kl. 06 að morgni 23. maí til kl. 06 að morgni 25. maí og loks í fimm sólarhringa frá kl. 06 að morgni 30. maí til kl. 06 þann 3. júní.

Að auki hefst ótímabundið yfirvinnubann flugmanna Icelandair frá og með morgundeginum kl. 06:00.

Þær ferðir sem felld­ar verða niður föstu­dag­inn 9. maí eru eft­ir­far­andi: (staðar­tím­ar)

Auk þessa verður 2-5 klukku­stunda seink­un á síðdeg­is­flugi til Kaup­manna­hafn­ar (FI212), Osló, Den­ver, Seattle, Or­lando, Ed­mont­on, Toronto, Bost­on og New York. Brott­för þess­ara flug­ferða er áætluð um kl 19:30 og inn­rit­un hefst síðdeg­is.

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hver forðaði verkfallinu hvert ?