Réðust á mann sem góndi á þær

Uppúr klukkan átta á laugardagsmorgun réðust tvær konur um tvítugt inn á 40 ára gamlan mann í fjölbýlishúsi á Selfossi. Ástæðan var sú að konurnar töldu hann vera að góna á þær í tíma og ótíma. Upphófst rifrildi og hávaði. Konunum barst liðsauki er karlmaður, vinur þeirra, tók þátt í æsingnum sem lauk með því að önnur konan beit og hrinti manninum með þeim afleiðingum að hann rifbeinsbrotnaði.  

Konurnar og félagi þeirra voru handtekin og yfirheyrð. Málið er upplýst og verður sent til ákæruvalds að lokinni rannsókn, segir í frétt frá lögreglunni á Selfossi.

• 2 blogg um fréttina

Bloggað um fréttina

• Kolbrún Hilmars: Nema hvað!
• Jóhannes Ragnarsson: Stjörnusýslumaðurinn mun láta dæma þær í svartholið og Spunahúsið