Ár frá því ríkisstjórnin tók við völdum

Eitt ár er í dag liðið síðan núverandi ríkisstjórn tók við völdum. Af þeim sökum var fundur haldinn í Ráðherrabústaðnum en ekki Stjórnarráðshúsinu eins og hefðbundið. Forsætisráðherra ritaði grein í Morgunblaðið í dag þar sem hann fagnar þessum tímamótum.

„Í dag er liðið eitt ár frá því að ný ríkisstjórn hóf sókn í þágu lands og þjóðar eins og kveðið er á um í stefnuyfirlýsingu hennar. Leiðarljós ríkisstjórnarinnar er bættur hagar heimilanna í landinu og efling atvinnulífs með aukinni verðmætasköpun í almannaþágu,“segir í grein Sigmundar Davíðs Gunnlaugssonar, forsætisráðherra, í Morgunblaðinu í dag.

Þar segir einnig að bætt vinnubrögð í þinginu hafi orðið til þess að stjórnarmeirihlutanum tókst að afgreiða óvenjumörg mál á tilsettum tíma og aldrei hafi jafnmörg þingmannamál fengið afgreiðslu, þar á meðal mikill fjöldi stjórnarandstöðumála.

„Við göngum því inn í sumarið ánægð með veturinn um leið og við búum okkur undir að gera enn betur á næsta ári og hlökkum til að fagna saman 70 ára afmæli lýðveldisins hinn 17. júní. Ég óska landsmönnum öllum góðs og heilladrjúgs sumars.“

• 1 blogg um fréttina

Bloggað um fréttina

• Magnús Helgi Björgvinsson: Til hamingju með afmælið! - En smá vangaveltur