Dagur B. Eggertsson, oddviti Samfylkingarinnar, segist hafa fengið umboð síns flokks til að fara í meirihlutaviðræður í borginni. Hann segir að á morgun muni hann hitta oddvita Bjartrar framtíðar, Vinstri grænna og Pírata og ræða myndun nýs meirihluta í borginni.

Þetta sagði Dagur í þættinum Eyjunni á Stöð 2.

Samfylkingin fékk 31,9% atkvæða í borgarstjórnarkosningunum og fimm menn kjörna. Björt framtíð fékk tvo menn kjörna, Vinstri græn einn mann og Píratar einn.

Aðspurður sagði Dagur að hann hefði nú dágóðan tíma, til um miðbiks júnímánaðar, til að standa í viðræðum og mynda nýjan meirihluta í borginni. „Við munum reyna að nýta tímann vel, en ég treysti mér ekki til að nefna neina dagsetningu,“ sagði hann.

Dagur sagði að sú hugmynd hefði verið rædd að halda samstarfinu áfram við Jón Gnarr og Besta flokkinn hans, en að það hefði að lokum ekki orðið ofan á. „Þetta var ein af þeim hugmyndum sem var rædd og ég hef ekki viljað gera mikið eða lítið úr því. Hugmyndin varð ekki ofan á og maður vinnur bara með þeirri stöðu sem kemur upp hverju sinni,“ sagði Dagur.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 2 blogg um fréttina

Bloggað um fréttina

• Benedikt Helgason: Við útlendingarnir
• Ómar Ragnarsson: Hræðileg ógn: Dagur ræðir við "umhverfiskommúnista" og "Svarta Pétur".