Samhliða sveitarstjórnarkosningunum síðastliðinn laugardag fór fram ráðgefandi skoðanakönnun um sameiningarmál í Hveragerði. Niðurstöður skoðanakönnunarinnar var sú að 704 eða 63% vildu að Hveragerði myndi sameinast öðru sveitarfélagi en 383 eða 34% sögðu nei. 30 seðlar voru auðir.

Alls tóku 1117 einstaklingar þátt, en á kjörskrá voru 1787. Kosningaþátttaka var 62,5 %. Í skoðanakönnuninni gátu þátttakendur valið á milli fimm sameiningarkosta og eru niðurstöður eftirfarandi:

• 69,74% þeirra sem tóku þátt völdu sameiningu Hveragerðis og Ölfuss sem vænlegasta kost.
• 10,94 % völdu sameiningu vesturhluta Árnessýslu (Hveragerði, Flói, Árborg, Ölfus)
• 9,8% völdu Árnessýslu alla
• 3,69% völdu Suðurland í heild sinni
• 2.98% völdu Árnessýslu utan Árborgar
• 14 kusu án þess að tilgreina valkost og 6 einstaklingar völdu fleiri en einn valkost.

<span><span>Afgerandi niðurstaða liggur því fyrir í skoðanakönnuninni og að sögn Aldísar Hafsteinsdóttur bæjarstjóra Hveragerðisbæjar mun bæjarstjórnin taka skoðanakönnunina til afgreiðslu á fyrsta fundi sínum.</span></span>