Bjarni hnýtti hvíthærða flugu

Bjarni Benediktsson, fjármálaráðherra og formaður Sjálfstæðisflokksins, hnýtti sér flugu í kvöld sem ef til vill verður notuð í hinni umtöluðu veiðiferð í fyrramálið.

„Hnýtti þessa flugu í kvöld að gamni. Fannst við hæfi að hafa hana hvíthærða með rauðan kraga. Silfur í búknum. Þarf að finna gott nafn á hana,“ segir Bjarni á Facebook síðu sinni.

Þar vísar hann að líkum í viðburði dagsins en mikið hefur verið rætt um veiðiferð Bjarna og Sig­mund­ar Davíðs Gunn­laugs­son­ar, for­sæt­is­ráðherra í Norðurá í Borg­ar­f­irði í fyrra­málið þar sem ráðherr­arn­ir munu opna veiðitíma­bilið í ánni. 

„Hafa þess­ir menn enga siðferðis­kennd?“spurði Jó­hanna Sig­urðardótt­ir, fyrr­ver­andi for­sæt­is­ráðherra í dag á opinberri Facebook síðu sinni og fordæmdi veiðiferðina sem hún telur brjóta gegn siðareglum ríkisstjórnarinnar.

• 1 blogg um fréttina

Bloggað um fréttina

• Jóhann Elíasson: EKKI MYNDI ÞESSI "FLUGA" KALLAST LÍKLEG..............................