Ferðamenn slösuðust í rúllustiga

Tíu ferðamenn slösuðust í rúllustiga í brottfararsal Leifsstöðvar fyrr í dag. Flytja þurfti tvo á Heilbrigðisstofnun Suðurnesja þar sem gera þurfti að meiðslum og sauma skurði. Aðrir gátu haldið ferðalagi sínu áfram.

Þetta kemur fram á vef Víkurfrétta. Þar segir að eldra fólk hafi verið á leið upp rúllustigann með farangur sinn í leit að innritunarborði þegar það féll aftur fyrir sig. Áður en tókst að stöðva stigann höfðu tíu ferðamenn fallið um koll.

Sjá nánar hér

• 1 blogg um fréttina

Bloggað um fréttina

• Ívar Andersen: Og Það sannast þarna að fall er EKKI fararheill og …