Ástandið heldur betra en áður var

„Heilt yfir virðist ástandið vera heldur betra en verið hefur undanfarin tvö ár,“ segir Skúli Eggert Þórðarson ríkisskattstjóri um eftirlit skattyfirvalda með atvinnustarfsemi.

Tvöfalda á mannaflann við eftirlitið yfir sumarið. ASÍ, Samtök atvinnulífsins og Ríkisskattstjóri standa þó ekki saman að eftirlitsátaki í sumar gegn svartri atvinnustarfsemi eins og verið hefur síðustu sumur.

„Það er alveg jafnmikill kraftur í þessu og verið hefur en með öðrum hætti en áður,“ segir Skúli Eggert í umfjöllun um mál þetta í fréttaskýringu í  Morgunblaðinu í dag.