Önnur kvennanna sem leitað hefur verið að í Fljótshlíð og nágrenni fannst látin í Bleiksárgljúfri í Fljótshlíð í gær, skömmu eftir að leit hófst að henni og vinkonu hennar. Hinnar konunnar er enn leitað, samkvæmt upplýsingum frá lögreglu.

Konan sem fannst látin er útlensk, en hún var hér á ferðalagi ásamt íslenskri vinkonu sinni. Konurnar eru á fertugsaldri. Lögregla, björgunarsveitir og áhöfn þyrlu Landhelgisgæslunnar leita enn hinnar konunnar. 

Konurnar voru í sumarbústað í Fljótshlíð og höfðu farið í göngutúr en ekkert hefur spurst til þeirra síðan á laugardag. Leit hófst síðdegis í gær og tekur fjölmennt lið þátt í leitinni. 

Tengdar fréttir

Leit í Fljótshlíð

Ástusjóður mun gefa fjóra dróna

• Andlát kvennanna var hörmulegt slys
• Andlát Ástu rannsakað sem slys
• Staðfest að líkið er af Ástu
• Kennslanefnd rannsakar líkið

» Fleiri tengdar fréttir