Leita enn konunnar í Fljótshlíð
Setja bókamerki
/frimg/7/52/752269.jpg)
Leit að konu á fertugsaldri í Fljótshlíð hefur ekki enn borið árangur en leitað var fram á nótt. Leit verður haldið áfram klukkan níu en fulltrúar lögreglu og björgunarsveita munu funda um framhald leitarinnar klukkan átta, að sögn Sveins Kristjáns Rúnarssonar, yfirlögregluþjóns á Hvolsvelli.
Konunnar hefur verið leitað síðan síðdegis á þriðjudag en þá hafði ekkert spurst til hennar og vinkonu hennar frá því á laugardagskvöldið er þær voru í sumarbústað í Fljótshlíð. Lík hinnar konunnar fannst í Bleiksárgljúfri skömmu eftir að leit hófst á þriðjudag.
Vel á annað hundrað manns voru við leit í Fljótshlíð í gærkvöldi og fram á nótt. Leit í hellisskúta bak við fossinn í Bleikárgljúfri bar ekki árangur en kafari úr sérsveit ríkislögreglustjóra seig niður í gljúfrið og leitaði bak við fossinn í gærkvöldi. Þar með telur lögreglan að fullleitað sé í sjálfu gljúfrinu.
Spor eftir berfætta manneskju á leið í austurátt í rúmlega þriggja kílómetra fjarlægð frá Bleiksárgljúfri fundust í gær en fleiri spor hafa ekki fundist. Ekki er vitað hvort fótsporin tengjast konunum tveimur. Skór þeirra og fatnaður fundust við hylinn í gljúfrinu á þriðjudag.
Stormur á Þorláksmessu en víðast hvar stefnir í hvít jól
Ók á hóp fólks á jólamarkaði: Einn látinn
Kristrún Frostadóttir verður forsætisráðherra
„Mamma fór að hágráta“
Ný ríkisstjórn kynnt á morgun
Samfylking og Viðreisn gáfu loforð