Framsóknarflokkurinn fær engan fulltrúa í nefndum á vegum Ísafjarðarbæjar þrátt fyrir að hafa fengin einn mann kjörinn í bæjarstjórn í sveitarstjórnarkosningunum í vor. Björt framtíð, sem ekki náði inn manni í bæjarstjórn, fær hins vegar nokkra fulltrúa í nefndir á vegum bæjarins og þar á meðal formann íþrótta- og æskulýðsnefndar.

Fram kemur á fréttavef Bæjarins besta að Marzellíus Sveinbjörnsson, oddviti framsóknarmanna, hafi gagnrýnt þetta harðlega. Vinnubrögðin séu ekki í anda þess íbúalýðræðis sem Í-listinn hafi boðað en litinn fékk flest atkvæði í kosningunum og fimm menn kjörna af níu í bæjarstjórn. 

Haft er eftir Örnu Láru Jónsdóttur, oddvita Í-listans, að Í-listinn hafi viljað endurspegla sjónarmið Bjartrar framtíðar í nefndum. Framsóknarflokkurinn hefði fulltrúa í bæjarstjórn og áheyrnarfulltrúa í bæjarráði sem geti komið sjónarmiðum flokksins á framfæri. Björt framtíð hafi verið nálægt því að ná manni inn og vilji væri fyrir því að sjónarmið flokksins heyrðust.

Frétt Bæjarins besta

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 1 blogg um fréttina

Bloggað um fréttina

• Gunnar Heiðarsson: Vanvirðing við lýðræðið