Ragnar Aðalsteinsson hæstaréttarlögmaður lagði í dag inn endurupptökubeiðni fyrir þau Erlu Bolladóttur og Guðjón Skarphéðinsson sem voru dæmd í Guðmundar- og Geirfinnsmálum. Þau fara fram á endurupptöku málsins til að sýna fram á sakleysi þeirra.

„Mér skilst reyndar að það vilji svo vel til að það sé fundur í endurupptökunefnd á morgun. Næsta mál á dagskrá ætti að vera að senda málið til ríkissaksóknara til umsagnar,“ segir Ragnar í samtali við mbl.is.

Það verður svo í höndum ríkissaksóknara að taka afstöðu til þess hvort embættið mæli með því að endurupptaka verði veitt.

„Ég held ennþá dauðahaldi í smá von­ar­neista um það að stjórn­völd sjái ljósið,“ sagði Erla þegar mbl.is ræddi við hana sl. föstudag vegna málsins. 

„Þegar málið er komið á þenn­an stað og það er vöknuð raun­veru­leg von um að rétt­lætið sé í sjón­máli þá koma auðvitað upp ýms­ar til­finn­ing­ar sem ég hef reynt að halda aft­ur af í gegn­um alla þessa ára­tugi,“ sagði hún ennfremur. 

Ragnar upplýsti í dag að Guðjón Skarphéðinsson hefði einnig farið fram á endurupptöku málsins.

Skýrsla starfs­hóps um Guðmund­ar- og Geirfinns­málið, sem var kynnt í mars 2013, er á meðal þeirra gagna sem eru lögð til grund­vall­ar end­urupp­töku­beiðninni. Í skýrslunni kom fram, að að það væri hafið yfir all­an skyn­sam­leg­an vafa að framb­urður allra þeirra sem hlutu dóm í mál­inu hefði verið óáreiðan­leg­ur eða falsk­ur. Veiga­mikl­ar ástæður væru fyr­ir end­urupp­töku.

Starfs­hóp­ur­inn sagði þrjár leiðir mögu­leg­ar. Ein var sú að rík­is­sak­sókn­ari meti hvort til­efni sé til end­urupp­töku.

Tengdar fréttir

Guðmundar- og Geirfinnsmál

Telur sig vita hvað gerðist

• „Fyrsta varðan í áttina að afbrotafræðinni“
• Nýju ljósi varpað á Guðmundar- og Geirfinnsmál
• Ríkið þarf að greiða Alberti 26 milljónir
• „Þetta er auðvitað algjörlega galið“

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Sigrar réttlætið?