„Fólki er auðvitað mjög brugðið enda eru þeir margir sem ekki sjá fram á að geta flutt norður á Akureyri.“ Þetta segir Eyþór Björnsson fiskistofustjóri, en í gær tilkynnti sjávarútvegs- og landbúnaðarráðherra að aðalskrifstofa Fiskistofu yrði færð til Akureyrar.

Hefur stofnunin frá því í byrjun árs 2006 haft aðsetur að Dalshrauni í Hafnarfirði en áður var hún til húsa í gamla Fiskifélagshúsinu við Ingólfsstræti í Reykjavík.

Í Morgunblaðinu í dag segist fiskistofustjóri efins um að flutningurinn muni efla starfsemi Fiskistofu. „Ég tel mikla hættu vera fyrir hendi að stofnunin veikist faglega en þetta er auðvitað liður í stefnu ríkisstjórnar að flytja störf út á land.“

Hjá Fiskistofu starfa hátt í 80 manns og aðspurður segir Eyþór breytingarnar munu snerta um 40 stöðugildi í Hafnarfirði.

Frétt mbl.is: Flytja höfuðstöðvarnar til Akureyrar

Tengdar fréttir

Flutningur Fiskistofu til Akureyrar

Enginn fer norður nema forstjórinn

• Fiskistofa norður um áramótin
• Vilja tryggja að staðið verði við yfirlýsingar
• Flutningur tekur 15 til 20 ár
• Ekki í stríði við starfsmenn Fiskistofu

» Fleiri tengdar fréttir