„Við fengum mjög skýr skilaboð frá okkar fólki um að gæta hagsmuna þess,“ segir Jóhanna S. Vilhjálmsdóttir, trúnaðarmaður starfsmanna Fiskistofu gagnvart SFR - stéttarfélagi í almannaþjónustu.

Starfsmenn Fiskistofu héldu enn einn fundinn í gærmorgun þar sem farið var yfir stöðu mála í tengslum við fyrirhugaðan flutning aðalskrifstofu Fiskistofu norður í land. „Við viljum fá það á hreint sem fyrst hver okkar réttindi eru í þessu máli.“

„Það er ekki búið að ákveða þetta en næsta verkefni hjá mér verður að skima eftir húsnæði fyrir norðan,“ segir Eyþór Björnsson fiskistofustjóri í Morgunblaðinu í dag. Til þessa hefur enginn starfsmaður Fiskistofu lýst yfir vilja sínum til að flytjast búferlum. Spurður hvort hann hygðist flytja norður með stofnuninni svaraði Eyþór: „Ég er ekki búinn að gera upp hug minn en ég útiloka það hins vegar alls ekki.“

Tengdar fréttir

Flutningur Fiskistofu til Akureyrar

Enginn fer norður nema forstjórinn

• Fiskistofa norður um áramótin
• Vilja tryggja að staðið verði við yfirlýsingar
• Flutningur tekur 15 til 20 ár
• Ekki í stríði við starfsmenn Fiskistofu

» Fleiri tengdar fréttir