Flestir komnir í mark

Flestir þeirra sem taka þátt í Laugavegshlaupinu eru komnir í mark og er von á þeim síðustu á næsta klukkutímanum. 

Hlauparar í Laugavegshlaupinu streyma nú í mark í Þórsmörk. Þorbergur Ingi Jónsson kom fyrstur í mark á nýju meti, 4:07:47. Þar með bætti hann met Björns Margeirssonar frá 2012 sem var 4:19:55. Elísabet Margeirsdóttir var fyrst kvenna en hún kom í mark á tímanum 5:34:05. 

Fyrstu þrír karlar í mark voru:

1. Þorbergur Ingi Jónsson 4:07:47
2. Örvar Steingrímsson 4:46:14
3. Eliot Drake (USA) 5:01:00

Fyrstu þrjár konur í mark voru: 

1. Elísabet Margeirsdóttir 5:34:05
2. Guðbjörg Margrét Björnsdóttir 5:45:15
3. Ásdís Söebeck Kristjánsdóttir 5:53:33

Hlauparar hafa talað um að fyrri hluti leiðarinnar hafi verið mjög krefjandi: snjór, bleyta og vindur. En seinni hlutann var vindurinn meira í bakið og þurrt og gott veður tók á móti hlaupurum í Þórsmörk.

• 1 blogg um fréttina

Bloggað um fréttina

• Jóhannes Ragnarsson: Jóns Íþróttamanns ákaft leitað eftir að hafa horfið í Laugavegshlaupinu