Fengu vísbendingar um þjófinn

Eigendur veit­ing­astaðar­ins Hafsins bláa við ósa Ölfusár hafa í dag fengið vísbendingar um það hver maðurinn sé sem braust inn á staðinn liðna nótt og hafði á brott með sér áfengi og tölvubúnað. Vísbendingunum var komið til lögreglu sem vinnur úr þeim. Enginn hefur enn verið handtekinn vegna innbrotsins.

Eins og greint var frá á mbl.is í morgun er myndavélakerfi á veitingastaðnum og náðust myndir af innbrotsþjófinum. Eigendur Hafsins bláa biðluðu til fólks á samfélagsvefnum Facebook að dreifa myndinni og veita upplýsingar um hinn seka.

Samkvæmt upplýsingum frá starfsfólki veitingastaðarins bárust vísbendingar eftir þessum leiðum. Þeim var komið til lögreglunnar á Selfossi, sem er að vinna úr þeim. Varðstjóri hjá lögreglunni staðfesti það við mbl.is en einnig að enginn hefði enn verið handtekinn vegna innbrotsins.

Frétt mbl.is: Þjófurinn náðist á myndavél

Frétt mbl.is: Face­booksíðu veit­ingastaðar­ins.  

Frétt mbl.is: Brot­ist inn á veit­ingastað

• 1 blogg um fréttina

Bloggað um fréttina

• Jóhannes Ragnarsson: Glæpahundum er ekkert heilagt í umdæmi stjörnusýslumannsins Stones