Gunnar Bragi Sveinsson utanríkisráðherra segir að meta þurfi hvað felst í yfirlýsingu Jean-Claude Junckers, verðandi forseta framkvæmdastjórnar ESB, um fimm ára hlé á stækkun ESB og hvort hún gefi tilefni til að endurflytja tillögu um að draga ESB-umsókn til baka.

„Menn þurfa að meta hvort það sé einhver þörf á að flytja slíka tillögu, hvort þetta útspil Junckers sé það svar sem við þurftum. Sé talin þörf á því að leggja tillöguna fyrir þingið er ég í sjálfu sér tilbúinn að gera það. Það sem við þurfum að gera núna er að meta hvað þetta þýðir nákvæmlega,“ sagði Gunnar Bragi.

Í fréttaskýringu um mál þetta í Morgunblaðinu í dag segir Birgir Ármannsson, formaður utanríkismálanefndar Alþingis, ákvörðun um framhald Evrópumálsins verða tekna á haustþingi.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir