Ræningjar Pétursbúðar komnir í leitirnar

Lögreglan hefur haft hendur í hári tveggja karlmanna  sem frömdu rán í versluninni Pétursbúð við Ránargötu í Vesturbænum í gær. Þetta segir Björk Leifsdóttir, eigandi búðarinnar. Mönnunum tókst að ræna peningum úr versluninni.

„Það er fyrir öllu að enginn slasaðist,“ sagði Björk í samtali við mbl.is í dag, og kvaðst fegin að ekki fór verr en raun bar vitni.

Um tvo unglega karlmenn var að ræða sem ógnuðu starfsmanni með spýtu og sprautunál í gærkvöldi, að sögn Bjarkar. Starfsmaður verslunarinnar hlaut ekki líkamlegan skaða en fær áfallahjálp vegna atviksins.

 Sjá fyrri frétt mbl.is: Vopnað rán í Pét­urs­búð

• 1 blogg um fréttina

Bloggað um fréttina

• Jóhannes Ragnarsson: Frjálshyggjudrengir dregnir á hárinu til síns heima