Gunnar Nelson enn ósigraður
Setja bókamerki
Bardagakappinn Gunnar Nelson vann í kvöld sigur á Zak Cummings í UFC bardaga sem fram fór í Dyflinni. Gunnar lenti í nokkrum vandræðum með Zak strax í fyrstu lotu, fékk á sig þung högg og náði sjálfur ekki að ógna andstæðingi sínum að ráði. Í annarri lotu náði hann Zak hins vegar niður og þá var ekki að spyrja að leikslokum.
Eftir að Gunnar náði Zak niður í gólfið, hélt hann honum í góðu taki og lét höggin dynja á andliti Zaks. Alblóðugur gafst Zak að lokum upp, rétt áður en tíminn rann út í annarri lotu.
Zak er 29 ára gamall og kemur frá Texas, hann er um 84 kíló en Gunnar um 77 kíló. Á heimasíðu Zak kemur fram að hann hafi unnið sautján bardaga, náð fjórum rothöggum og tapað tíu bardögum. Hann hefur einungis tapað einum af síðustu átta bardögum sínum og er ósigraður í UFC keppninni.
Gunnar hefur hins vegar unnið þrettán bardaga en náði jafntefli í sínum fyrsta MMA bardaga sem fór fram í Kaupmannahöfn þann 5. maí árið 2007, að því fram kemur á heimasíðu Gunnars.
Frétt mbl.is: Gunnar í „súpergóðu formi“
Frétt mbl.is: Gunnar er harðsvírað hörkutól
Koma fyrstu tölur á sunnudagskvöldið?
Vonir bundnar við morgundaginn
Rannsókn á menningarnæturmáli lokið
Falskur fyrirvari á auglýsingum Höllu
Sendi nektarmyndir af dreng sem hann passaði
Hvatti kjósendur til þess að greiða ógild atkvæði
Fundur hafinn hjá kennurum, ríki og sveitarfélögum