Nokkuð hlýtt í Reykjavík á morgun

Svo virðist sem landsmenn muni njóta sólarinnar að einhverju leyti á morgun, ef marka má veðurspá dagsins. Á hádegi á morgun verður nokkuð hlýtt, 16 gráður, í höfuðborginni en skýjað að mestu. Gert er ráð fyrir hægri austlægri eða breytilegri átt, en norðaustan 5-13 m/s um landið norðanvert.

Skýjað að mestu, en rigning NA-til. Heldur hægari NA-til síðdegis, en norðaustan 5-10 m/s á Vestfjörðum. Allvíða dálítil rigning með köflum, en þurrt að kalla vestanlands. Svipað veður á morgun. Hiti 7 til 17 stig að deginum, hlýjast á Vesturlandi.

Á höfuðborgarsvæðinu er gert ráð fyrir austlægri átt, 3-5 m/s, að skýjað verði að mestu og hiti 8 til 15 stig. Líkur á smá-vætu á morgun, einkum seinnipartinn. 

Veðurvefur mbl.is

Á fimmtudag

Norðaustanátt, yfirleitt 5-10 m/s og rigning með köflum, einkum suðaustan- og síðan austanlands. Hiti 10 til 18 stig, hlýjast suðvestantil. 

Á föstudag og laugardag

Norðaustlæg átt með skúrum, en áfram þurrt og fremur hlýtt suðvestan- og vestanlands. 

Á sunnudag

Norðanátt með rigningu norðan- og austanlands, en fremur milt. 

Á mánudag

Norðlæg eða breytileg átt með vætu um mest allt land. Hiti breytist lítið.

• 1 blogg um fréttina

Bloggað um fréttina

• Haraldur Haraldsson: Nokkuð hlýtt í Reykjavík á morgun/Ekki fulsum við við því,als …