„Við erum búin undir það að eitthvað geti hugsanlega gerst hér á landi, en það er mjög ólíklegt.“
Þetta segir Haraldur Briem sóttvarnalæknir í Morgunblaðinu í dag, en hann telur ebólaveiru ekki áhyggjuefni hér á landi eins og stendur. Ekkert lát er á sýkingahrinunni af völdum veirunnar, sem hófst í Gíneu í byrjun febrúar á þessu ári.
Í blaðinu segir Þórólfur Guðnason, yfirlæknir á sóttvarnarsviði Embættis landlæknis, mikilvægt að vera í viðbragðsstellingum gagnvart veirunni.